Selamat Hari Raya Maaf Zahir & Batin pada sesiapo yang kona ngan Den..

Posting maleh..Sajo-sajo nak update blog copy/paste ni..Apo la lomau bona den ni agak eh..Orang ado blog,den pun nak buek blog gak tapi maleh plak update..Huhuhu..Testing-testing jo ni pun....

Ghayo tahun ni rayo huru haro bagi den..Bialah den sorang jo tau apo kono eh huru haro..Apo nak buek..Dah nasib badan..Taun ni peruntukan Ghayo cumo 2 hari jo..Ghayo ke3 dah kono kojo balik..Nak cuti lamo tu memang boleh bebona la tapi sajo maleh..Pulun overtime la apo laie..Bulan dopan leh la horrey sikit..

Bagi yang balik kampung, berhati-hati dijalan rayo..(tapi kadang-kadang Den pun hilang sabar gak bilo jammed menggilo ni..ikhlas Den cakap..) Dari Shah Alam ko Joseh, tau-tau jo la jammed eh camno..Nasib baik Bukit Putuih tu dah ado jalan alternatif..Kurang la sikit tahap kecipanan membara den ni..Hehe..

Pesanan untuk para Muslimin/Muslimat, sambil beraya jangan lupo jago adab..terutama adab berpakaian bagi perempuan..Apo guna lawa tapi nanti susah kek akhirat? Samo-samo la kito ingat-mengingat yo..Nampak Den salah jangan lupo bagitau..den bagi duit rayo lopeh tu..(tepakso la Den jago-jago dari buek salah..kalo tak nayo Den kono bagi duit ghayo ) Hehe..

Selamat Hari Ghayo!!